Средба со г-динот Јап Винен -генерален секретар на Светската конфедерација на синдикати (ИТУК)
На ден 21.11.2019 година во просторииите на КСС членови на Извршниот одбор на КСС одржаа средба со специјалниот советник на Генералниот секретар на Светската конфедерација на синдикати (ИТУК), г-динот Јап Винен.
Во Изминатиот период остварени се повеќе средби со високи претставници од Светската конфедерација на синдикати (ИТУК), во која сме и полноправни членки, кои се потполно запознаени со состојбите со синдикалното организирање и синдикалното делување во Македонија, со кршење на законите, непочитување на колективните договори, загрозување и директно мешање во синдикалното организирање, како и со кримналните дејствија нанесени врз синдикатот во организација на високи претставници од Владата, за кои се водат судски постапки и за кои добиваме позитвни судски пресуди.
Средбата со г-динот Винен беше од големо заначење бидејќи се разговараше подетално за недозволивите состојби во областа на синдикалното движење во Македонија, а исто така и за понатамошните чекори кои заеднички треба да ги преземеме со цел да се прекине овој несоцијален и недемократски начин на кој делува Владата кон синдикатите, односно кон КСС.
Специјалниот советник г-динот Винен ќе побара специјална мисија, во организација на Светската и Европската конфедерација на синдикати заедно со Меѓународната организација на трудот за состојбата со синдикатот во Македонија, бидејќи беше донесен заклучок дека во оваа држава таква специјална мисија е навистина неопходна.
Исто така имавме и плодна дискусија околу економскиот и стопанскиот развој во Македонија, околу законот за работни односи за кој се согласивме дека е по европски терк, но и за останатите закони кои се однесуваат на работниците.